receitas, artigos, sabías que? trucos, +cociñas, cociñando palabras, de cine, de literatura

venres, 2 de febreiro de 2018

CALDO VERDE

Hoxe tivemos o día de cara!
Fixo moito frío e, casualidades da vida , tiñamos preparado un caldiño verde portugués!
A primeira vez que tiven a oportunidade de probalo foi fai moitos anos nun campamento internacional en Castro Laboreiro, Portugal, na preciosa Serra do Gerês. Unha excelente compañeira, Fátima,  portuguesa ela,  obsequiounos cun  CALDO VERDE espectacular.
"Está feita no norte, utilizando unha variedade de repolo galego chamado "couve galega", que se cultiva entre as viñas, á beira do Miño e mesmo nalgúns patios de Lisboa. É unha col con follas longas, que se usa case exclusivamente para esta sopa, e que en tendas normalmente xa está preparada, xa que ten que ser cortada moi fina para a sopa." (Directo al paladar)
E gustou! Ata os máis repugnantes para comer REPETIRON!





CALDO VERDE
           
Ingredientes

·         Patacas fariñentas
·         Media cebola
·         Un dente de allo
·         Couve galego ( variedade de repolo galego)
·         Chourizo
·         Aceite de oliva, sal e  pementa


Preparación

1.    Pochar a cebola + dente de allo en aceite de oliva.

2.    Engadir as patacas en trozos escachados e refogalos 7-8´

3.    Cubrir con auga fría e cocer 30-40´. + sal e pementa ao gusto.

4.  Pasar polo batedor a pouca velocidade para facer un puré cremoso e suave.

5.    Cocer o couve en auga con sal 30´. Escurrir e engadir ao puré.

6.   Fritir en rebandas o chourizo para presentar o puré cun par de rebandas.






domingo, 28 de xaneiro de 2018

ROSCÓN DE NATA

E de volta co noso traballo realizado e non publicado daquelas navidades do 2017, aparecemos de novo con este sinxelo e vistoso Roscón de masa follada que tiven a oportunidade de observar na súa realización durante o programa de televisión dos irmáns Torres.
A nós tocounos cambiar de grupo e sempre hai que comezar de novo e a receita a simplificamos un pouco.



O roscón en todo o seu esplendor!




ROSCÓN DE NATA
           
Ingredientes

·         2 láminas de masa follada
·         Azucre  glas
·         Nata para montar
·         Un ovo
   

Preparación

1. Cortar pequenos círculos de masa follada coa axuda dun cortador de pastelería.

2.  Nunha bandexa forrada con papel de forno, poñer un molde redondo no centro e colocar ao redor os círculos  cortados de masa follada lixeiramente montados polos extremos.

3.  Pintar as pezas  con ovo batido e colocar outra capa de círculos de masa enriba e pintar novamente con ovo.

4.  Retirar o molde do medio e cocer a 190ºC durante 20 minutos, ata que suba e dore o follado. Deixe arrefriar e cortar pola metade.

5.  Montar a nata e rechear o roscón. Esparexer con azucre glas e servir

BISCOITO XENOVÉS / PIONONO

Aquí estamos de novo! 
Atascámonos no Nadal. Ás veces un non se pode estirar máis e acaba sendo engulido a bocados de xigante ou a bocadiños de peixe.
 Que máis ten! As responsabilidades son as que son e aínda que na cociña seguimos traballando, a nosa comunicación non ten a fluidez desexada.
Así que toca poñerse ao día e como dicía a famosa frase de Fray Luis de León: "Como dixemos onte ...", cando foi reincorporado na súa cadeira despois de ser censurado, preso e retirado da súa posición na Universidade de Salamanca polo traballo da "Santa Inquisición", vén ben ao noso contexto.
E quedÁramos nas prefestas do Nadal 2017 co noso socorrido biscoito xenovés para facer este entrante festivo.





BISCOITO  XENOVÉS / PIONONO
               
Ingredientes para a masa

·         3 ovos
·         90 g de azucre
·         90 g de fariña
·         A proporción é: 1 ovo x 30 azucre x 30 fariña

Ingredientes para o recheo

·         Atún, espárragos, paos de caranguexo, pemento morrón, anchoas, olivas, ovos cocidos, mahonesa…

Preparación biscoito

1.     Separar claras e xemas
2.     Xemas + azucre. Bater e esponxar
3.     Engadir suavemente fariña tamizada
4.     Bater claras ( chisco de sal) a punto de neve
5.     Xuntar o paso 3 e 4 de forma envolvente
6.     Nunha prancha forrada con papel de forno, estender de forma homoxénea a     masa
7.     Ao forno prequecido a 180º / 8´ a 10´minutos
8.     Retirar do forno e aplastar lixeiramente coas mans o biscoito
9.     Estender sobre un pano húmido e enrolar 30 segundos
10.   Quitar o pano e enrolar de novo sobre papel de forno
11.   Rechear e decorar ao gusto


mércores, 13 de decembro de 2017

O MAGO DOS FOGÓNS


"Así fue como se acostumbró a comer de todo, menos peonzas y jirafas de goma, ¡claro!, y creció fuerte y sano.
Además, todos sus sentidos estaban contentísimos porque Comiditas había descubierto que a menudo la comida entra por los ojos. Que el olfato y el gusto son primos hermanos. Que el chup chup de la cazuela abre el apetito y que a veces incluso ¡apetece comer con las manos!"





Comiditas es un niño singular. Se lleva de todo a la boca, menos los alimentos que le ponen en la mesa. Es una gran preocupación para sus padres, pero por suerte aparece la abuela con unas recetas casi mágicas para abrirle el apetito a Comiditas. Este libro ha sido editado con motivo de la exposición «El arte de comer en Barcelona», donde se exploran las posibilidades artísticas de la cocina a partir de los platos de Ferrán Adrià.



Título: El mago de los fogones
Autor: Joan de Déu Prats Pijoan
Ilustrador: Paloma Valdivia
Editorial: Hipòtesi / Caixa Catalunya
Barcelona, 2011

España
Páxs: 30
Soporte: Papel
ISBN: 978-84-15170-05-1
Seleccionado por: Fundación Germán Sánchez Ruipérez
      Idade recomendada:  De 6 a 8 anos


Este libro trata de:  alimentación, imaxinación, relacións familiares, familia, nenos,  avoas, cociñeiros.




TRENZA DE FROITOS SECOS CON ARANDOS

Estamos no Nadal e temos que preparar o menú. Empezando polos postres, tiñamos que buscar algo vistoso, divertido e fácil de realizar.

"ESTE DE AQUÍ!!!" 

E sinalando cara á nosa parede ilustrada coas nosas creacións ao longo destes anos, algúns decidiron  repetir unha vella receita.
Repetida, pero exitosa na primeira vez; minto, na segunda vez. A primeira contan as crónicas que saíra crúa.
Aínda que se comenta que "nunca segundas partes foron boas", temos que dicir que si, sainos ben á terceira tamén.





TRENZA DE FROITOS SECOS E ARANDOS
           
Ingredientes

·         1 prancha de masa follada
·         50 g de noces
·         50 g de pistachos
·         50 g de arandos
·         Natillas
·         Unha clara de ovo
·         50 g de azucre glace
                                              
Preparación

1.    Picar lixeiramente os froitos secos e misturalos cos arandos.

2.   Estirar a masa follada e cubrila coas natillas sen chegar aos bordos. Engadir os froitos secos.

3.   Dobrar a masa sobre o recheo. Á neveira 10´ para poder manexala logo mellor.

4.    Cortala pola metade ao longo sen chegar ao final, teñen que quedar unidas.

5.  Trenzar as dúas tiras deixando o recheo á vista, cara arriba. Ao forno 30´ aprox. a 200ºC

6.    Bater a clara coa azucre e pintar a trenza co glaseado e introducila de novo no forno, xa apagado, 8´

7.    Arrefriar e servir.