receitas, artigos, sabías que? trucos, +cociñas, cociñando palabras, de cine, de literatura

xoves, 16 de novembro de 2017

PETITS CHOUX CON CREMA DE LARANXA

Si á primeira vez non vai, intentámolo outra vez, modificamos a receita ...pero non perdemos a ilusión de poder saborealos.
Non foi posible saborealos de primeiras. Algo na masa non ía ben e algo nos dicía que a cocción non resultaría satisfactoria. A textura da masa non era a doutras veces e os nosos temores confirmáronse.  Tivemos que saborear a crema con galletas a modo de natillas e iso foi todo.
Pero no segundo intento...SIIIIIIIII!
RICOS, RICOS! 
A fartar!


PETITS-CHOUX DE CREMA DE LARANXA
           
Ingredientes

·         Pasta choux:
0.    100 ml de leite
1.    100 ml de auga
2.    80 g de manteiga
3.    120 g de fariña + ½ levadura en po
4.    3  ovos
5.    1 culleriña de azucre (4 g)
6.    Un belisco de sal

Preparación

1.    Misturar nun cazo: leite +auga + manteiga + azucre + pel de laranxa + sal.

2.    Cando ferva, (retirar a pel de laranxa), engadir a (fariña + levadura) de golpe e remexer cunha culler de madeira ata que a masa se separe das paredes do cazo. Separar do lume.

3.   Coa masa temperada, engádense os ovos un a un. Non engadir o seguinte ata que o anterior estea integrado.

4.  Nunha placa, ao forno a 200ºc / 25´aprox. ata que estean douradiños.

5.    Arrefriar e rechealos (ver receita crema pasteleira) ao gusto.



CREMA PASTELEIRA
           
Ingredientes

·         Catro xemas
·         125 g de azucre
·         125 g de nata líquida
·         375 g de leite
·         40 g de Maicena
·         Casca de limón

Preparación

a.   Misturar e quecer nun cazo: leite + nata líquida + metade de azucre + casca de laranxa.

b.    Nun bol, misturar e bater as xemas e ( Maicena + resto do azucre) ata que dobren o seu volume.

c.     Misturar o contido do bol cun pouco de leite do cazo.

d.   Botar todo no cazo co resto do leite (coado previamente) e deixar que espese ao baño María. Remover de seguido para que non se pegue ao cazo.

e.   Cando a crema teña a textura desexada, arrefriala nun recipiente cun papel film transparente por riba da crema para que non colla casca.




sábado, 4 de novembro de 2017

RISOTTO DE CABAZA E TOMATES SECOS

Non podiamos deixar pasar a tempada de CABAZA e o SAMAÍN sen facer algo coa ela. Decisión perfecta a de facer o risotto. Os noso equipo de cociña apuntouse un gran tanto culinario. 
ÉXITO TOTAL!


RISOTTO DE CABAZA E TOMATES SECOS
           
Ingredientes

·         250 g de arroz de gran redondo
·         400 g de cabaza
·         40 g de tomates secos
·         1 cebola
·         1 dente de allo
·         1/2 vasiño de viño branco
·         1L Caldo de polo
·         Manteiga
·         40 g de queixo parmesano
·         1 pastilla de caldo de legumes (opcional)
·         1 culler de mostaza
·         Sementes de cabaza crúas
·          Aceite de oliva
·         2 culleres de manteiga
·         Sal e pementa
                                              
Preparación

1.   Picar os tomates. Sofreímos nunha tixola 200 g de cabaza en dadiños + ½ pastilla de caldo e retiramos cando colla una cor laranxa forte. Reservamos para acompañar facendo unha crema-puré cun pouco de caldo ou deixamos os dadiños para coroar o risotto.

2.   Asamos o resto da cabaza en dados cun pouco de aceite + ½ pastilla de caldo a 150ºC / 20´.

3.    Facemos un puré co paso 2 + 1/3 do caldo ata facer una salsa.

4.    Sofreímos a cebola e o allo picados. + Arroz. Cociñamos uns minutos. + Viño e tomates secos.

5.   Agregamos caldo quente( 3 vasos)  pouco a pouco e cocemos o arroz ao dente. + Salsa de cabaza, + mostaza e o resto de caldo.

6.    Salteamos as sementes cun pouco de aceite +sal.

7.   Fóra do lume: + manteiga, + queixo. Deixamos repousar. Decoramos coas sementes e o resto da salsa de cabaza.



   E se isto parécevos pouco...REMATAMOS CON MARMELADA DE CABAZA CASEIRA feita e obsequiada pola avoa de Raquel Xing.

      EXQUISITA!!!




Moitas grazas AVOA!!!




xoves, 26 de outubro de 2017

TARTA DE CASTAÑAS

Tempo de castañas!
E nós non poidamos faltar á cita. Aquí tedes a receita que xa tivemos a ocasión de presentar alá polo ano 2011, cando o noso obradoiro de cociña botou a andar co novo formato.
Explosivamente rica! 
Calorías a tope! Pero o pracer de degustala paseniñamente non nolo quita ninguén.
Fácil de facer e agradecida para calquera reunión de Magosto. 
Bo proveito!




TARTA DE CASTAÑAS
               
Ingredientes

·         Tres pranchas de masa de biscoito
·         400 g de nata para montar
·         100 g de azucre glacé
·         150 g de chocolate negro
·         1 bote mediano de castañas en xarope
·         1 bote de doce de leite
·         1 culleriña de esencia de vainilla
·         (xarope opcional = 125ml auga + 50g azucre ou o xarope das castañas)*


Preparación

1.  Nun bol: 300 g de nata para montar. Bater a punto de nata engadindo pouco a pouco  100 g de azucre glacée e reservar na neveira.

2.  Noutro bol: 100 g de nata + chocolate troceado. Derreter ao baño María. Retirar e reservar.

3.  Reservar o xarope das castañas para pincelar as pranchas de biscoito. Tallalas e remexelas coa vainilla.

4.  Montar a tarta: disco de biscoito + capa de doce de leite + castañas talladas + biscoito* + nata montada e castañas talladas + biscoito.

5.  Cubrir coa crema de chocolate toda a superficie da tarta e arrefriar na neveira. 


Non te quedes coas ganas de saber máis sobre elas!









venres, 20 de outubro de 2017

QUICHE LORRAINE DE COGOMELOS


"A palabra vén da palabra Quiché, Küche no dialecto Lorraine, falado na rexión de Lorena, no nordeste de Francia e xa fronteirizo con Alemaña. Este termo deriva á súa vez do alemán (torta) Kuchen. (...)
A receita para a Quiche Lorraine vén da rexión de Lorena, en Francia e consiste nunha torta salgada aberta feita con masa brisa (masa quebrada), á cal vérteselle unha salsa de crema de leite fresco (crème frache, en francés) e ovo derramado chamada migaína. A migaína aromatízase con pementa negra e noz moscada moídas. Esta receita orixinal é coñecida da que proceden todas as outras variantes de quiché. A palabra apareceu por primeira vez en Nancy, en Lorraine en 1605. Inicialmente, o recheo consistía só de ovos e crema de leite ou nata fresca (ás veces relado de gruier). No século XIX, engadíronselle pequenas tiras ou tacos de touciño entrefebrado, frescas ou afumadas, que caracterizan o quiche lorraine de hoxe ".


E gustounos! 
Xa tiñamos experimentado con ela. O resultado...? Non sobrou nada! Incluso os/as reticentes a probala con cogomelos non deixaron de probala e aceptaron que estaba rica. A cociña de Andersen tamén serve de trampolín para probar novas cousas.


QUICHE  LORRAINE DE COGOMELOS
               
Ingredientes para a masa quebrada

·         150 g de fariña
·         70 g de manteiga
·         ½  culleriña de sal
·         ½  culleriña  de azucre
·         1 xema de ovo
·         Un chorriño de leite

Ingredientes para o recheo

·         Cogomelos
·         Tiras de touciño entrefebrado
·         200 g queixo relado
·         Pemento morrón
·         250 cl de nata líquida
·         4 ovos
·         Perexil / Allo
·         1 vaso de leite fría

Preparación

1.  Misturamos todos os ingredientes nesa orde. Facemos unha bóla e forrada con film a metemos na neveira media hora.

2.  Nun molde encamisado (manteiga e fariña) estiramos a masa. Ao forno,10´- 15´ a 180ª  sin que dore. Pintamos con clara de ovo para impermeabilizala e un minuto ao calor do forno.

3.   Pasamos pola tixola os cogomelos + allo. Posteriormente engadimos: touciño entrefebrado e un pouco de queixo. Botamos o perexil.

4.   Bater os ovos coa nata e o leite.

5.   Colocamos na base o recheo e engadimos a cantidade necesaria do apartado 4  máis o resto do queixo por riba.


6.   Ao forno a 180º ata que calle e dore.