HAMBURGUESA MINI DE PORCO CON MAZÁ

E chegamos ao final co primeiro grupo deste curso de 2º da ESO.
Tiñamos que arrincar un saboroso éxito coa última receita e abofé que o conseguimos cando presentamos a proposta e cando a levamos á boca e explosiaron os sabores da burguer co CHUTNEY (condimento agridoce, unha especie de confitura que se elabora con froitas ou verduras cocidas en vinagre, con especias moi aromáticas e azucre).

HAMBURGUESA  MINI DE PORCO CON MAZÁ

           

Ingredientes

·        400 g de carne picada de porco

·        50 g de touciño entrefebrado

·        2 mazás

·        ½ cebola

·        Vinagre de mazá

·        Un pouco de xenxibre

·        150 g de azucre

·        Un chisco de curry

·        Unha póla de canela

·        Panciños mini

·        Sal,  pementa e aceite de oliva

Preparación

1.    Picar o touciño e a cebola e engadilos á carne. Salpementar.

2.    Engadir unhas gotas de aceite, amasar e integrar os ingredientes.

3.    Tomar porcións e formar as hamburguesas. Reservalas no frigo.

4.    Pelar as mazás e formar dadiños + azucre + 4 culleres de vinagre. Maceralo   5´. + curry + canela + xenxibre relado. Sazoar e cocer a lume medio 30´, removendo a miúdo o chutney

5. Torrar os panciños pola metade. Asar as hamburguesas cunhas gotas de aceite, 3´por cada lado.

6.   Colocalas sobre os panciños co chutney.

Grazas equipo e seguide cociñando.